About the Recipe
Ek is nie baie lief vir koek nie, of liewer, 'n koek moet redelik spesiaal wees voor ek dit inskep. Wortelkoek is 'n gunsteling, want dit het bietjie crunch en kleur wat dit ten minste interessant maak. Ek weet dis nie gesonder as ander koeke nie, maar ons kinders kry sommer ook hul daaglikse groente so saam met die suiker in, sonder veel moeite.
Ingredients
500 ml suiker
4 groot eiers
3 ml vanieljegeursel
375 ml sonneblomolie
500 ml koekmeel
5 ml bakpoeier
10 ml koeksoda
10 ml fyn kaneel
sout
250ml okkerneute, gekap
250ml fyn pynappel, dreineer
750ml gerasperde wortel
200ml fyn klapper
Preparation
Die suiker en eiers word saamgeklits tot lig en romerig en olie bietjies-vir-bietjies bygeklits. Sif die meel, bakpoeier, koeksoda, kaneel en sout en meng dit by die eiermengsel in. Meng ook die neute, pynappel, wortel en klapper by. Spuit twee panne en voer uit met bakpapier. Gooi die mengsel in albei panne en bak by 180grade Celcius vir 45 minute tot 'n uur.